Seniçoun(-di-fueio-de-rouqueto)
Jacobaea erucifolia
Asteraceae Compositae
Nom en français : Sénéçon à feuilles de roquette.
Descripcioun :Aquéu seniçoun, proun coumun, que flouris en fin d'estiéu e dóu tèms de l'autouno, trachis dins lis ermas, en ribo de camin e de ribiero. Sa souco rebalo au sòu e fai de gròssi coulounìo. Se destrìo de l'erbo-de-sant-Jaume bonodi si fueio pelouso acabado pèr de dènt mai longo que larjo, si bratèio escartado e pièi sis akène pelous tambèn. Coumpara emé l'erbo-de-sant-Jaume que trachis souleto.
Usanço :Coume sa cousino, l'erbo-de-sant-Jaume, lou seniçoun-di-fueio-de-rouqueto es uno planto empouisounanto, mai avèn pas trop d'entresigne. Escriéure au site se n'en sabès mai.
Port : Grando erbo
Taio : 40 à 150 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Jacobaea
Famiho : Asteraceae
Famiho classico : Compositae
Tribu : Senecioneae
Coulour de la flour :
Jauno
Petalo : >6
Ø (o loungour) enflourejado : 12 à 15 mm
Flourido :
Estiéu - Autouno
Sòu : Ca
Autour basso e auto :
Pancaro entresigna
Aparado : Noun
Liò : Ermas
- Champ
- Ribiero
- Camin
Estànci : Termoumediterran à Mountagnard
Couroulougi : Éurasiatico
Ref. sc. : Jacobaea erucifolia (L.) P.Gaertn., B.Mey. & Scherb., 1801
(= Senecio erucifolius L., 1755 )
Estello-d'aigo(-pecouiado)
Callitriche brutia
Plantaginaceae
Nom en français : Callitriche pédonculé.
Descripcioun :Aquelo estello-d'aigo se rescontro dins li mueio d'un tèms subretout en Prouvènço séusouso. Li fueio soun primo e alor acabado pèr dos dènt, o au contro espatulado. Li fru soun pourta pèr un long pecou (l'estiéu) o direitamen sus la tijo.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 3 à 80 cm
Fueio : alterno
Tipe bioulougico : Idroufite
Cicle bioulougico : Planto renadivo
Gènre : Callitriche
Famiho : Plantaginaceae
Ordre : Lamiales
Coulour de la flour :
Verdo
Petalo : ges
Ø (o loungour) flour : 1 mm
Flourido : Printèms
- Estiéu
Sòu : Ca
Autour basso e auto : 0 à 800 m
Aparado : Noun
Abriéu à óutobre
Liò : Aigo
- Mueio
Estànci : Termoumediterran à Mesoumediterran
Couroulougi : Éuroupenco-Ouèst
Ref. sc. : Callitriche brutia Petagna, 1787